Pritet të arrestohet nga SPAK, mamuthi i korrupsionit Edmond Haxhinaston kërkon të futet në listë të sigurt, emri i tij skërbyth kauzën e PL

Partia e Lirisë, e cila ka shpallur veten si një alternativë për ndryshimin dhe rinovimin e politikës shqiptare, është duke kaluar një periudhë të errët, drejt shkrirjes, duke humbur çdo lloj kuptimi dhe vlere politike. Si mos t’i mjaftonte damka e korrupsionit, PL po promovon emra të dyshimtë dhe individë që nuk kanë kontribuar asnjëherë për forcimin e asaj që u quajt një lëvizje për lirinë dhe dinjitetin e qytetarëve shqiptarë.

Një nga emrat që po përflitet për t’u futur në listat e sigurta të zgjedhjeve të vitit 2025 është Edmond Haxhinasto, një politikan që ka një të kaluar të errët dhe është i lidhur ngushtë me skandale të shumta korruptive, disa nga të cilat po hetohen nga SPAK.

Edmond Haxhinasto është një emër që ka dalë në sipërfaqe vetëm kur është afruar data e zgjedhjeve, dhe pas asaj periudhe është zhdukur, duke lënë pas një gjurmë të vakët dhe pa asnjë ndikim të dukshëm në jetën politike dhe shoqërore të vendit.

Haxhinasto, i cili ka mbajtur postin e ministrit të Transporteve, ka qënë pjesë e një periudhe të errët për Shqipërinë, ku abuzimet me fondet publike, tenderët e dyshimtë dhe lidhjet me grupe të ndryshme korruptive ishin të zakonshme. Emrin i Haxhinastos del në disa dosje të SPAK për korrupsionin me tenderat. Haxhinasto, i cili është thirrur disa herë në SPAK, është në listën e një grupi pushtetarësh që pritet të arrestohen pas zgjedhjeve parlamenate. Kjo duket se është edhe se pse Haxhinasto është kapur pas pantallonave të Metë dhe Berishës, duke u kërkuar një vend të sigurt në listë, pasi duke pasur mandat nuk mund të arrestohet në befasi dhe ka mundësi arratisje.

Në periudhën kur drejtonte Ministrinë e Transporteve, Haxhinasto ishte i përfshirë në një sërë aferash të dyshimta që lidhen me prokurimet publike, tenderët dhe angazhimet që favorizonin individë dhe grupe të caktuara, duke shkaktuar dëm të madh financiar dhe shoqëror për qytetarët shqiptarë. Këto skandale kanë ngritur dyshime të forta për mundësinë e ndikimeve të jashtme dhe manipulimeve të skemave financiare për përfitime personale dhe të afërmve të tij.

Sidoqoftë, hetimet ndaj tij dhe këtyre aferave kanë mbetur të pasqaruara dhe të papërfunduara, për shkak të presioneve politike dhe ndikimeve që kanë ekzistuar në drejtësi, duke i dhënë mundësi atij dhe të tjerëve si ai të shfrytëzojnë sistemin për interesa personale.

Ndërkohë, Partia e Lirisë, që dikur premtoi të pastrojë politikën nga korupsioni dhe abuzimet, tani ka rënë në duar të individëve që, përkundër historisë së tyre të errët, vazhdojnë të përfitojnë pozita të rëndësishme.

Haxhinasto është një shembull i qartë i këtij fenomeni, pasi ai ka tentuar të kthehet në politikë vetëm në momentet kur ka nevojë për të mbajtur pozita të rëndësishme, duke shfrytëzuar mekanizmat e partisë për të rinovuar imazhin e tij dhe për të shpëtuar nga skandalet që e kanë shoqëruar gjatë karrierës.

Ajo që është e pasqaruar dhe shqetësuese është se Partia e Lirisë po vazhdon të mbështesë individë të tillë, duke i futur në pozita të rëndësishme dhe duke i dhënë mundësi për të përfituar në zgjedhjet e ardhshme, pa marrë parasysh përfshirjen e tyre në akte korruptive dhe dëmtojnë besimin e qytetarëve në sistemin politik dhe drejtësinë.

Ky është një dëm i madh për shoqërinë, pasi ndihmon në ruajtjen e një sistemi të ndotur dhe të korruptuar që përpiqet të mbajë në pushtet ata që kanë kontribuar vetëm për pasurinë e vet dhe të grupeve që i mbështesin.

Në këtë moment, është koha që qytetarët shqiptarë të hapin sytë dhe të mos i lejojnë politikanët e korruptuar të kthehen në skenën politike. Është koha për të kërkuar përgjegjësi dhe të kërkoni një politikë të pastër dhe të sinqertë, pa individë që kanë shkelur ligjin dhe etikën.

Për këtë arsye, të gjithë ata që mbështesin këtë lëvizje, si edhe ata që janë pjesë e Partisë së Lirisë, duhet të kuptojnë se mbështetja për politikanë si Edmond Haxhinasto do të thotë të mbështesësh një sistem që vazhdon të inkurajojë korrupsionin dhe të dëmtojë të ardhmen e vendit.

Shqipëria ka nevojë për një politikë të pastër, të cilën e meritojnë qytetarët, dhe për këtë, duhet të heqim dorë nga të kaluarat e errëta dhe të krijojmë një të ardhme ku drejtësia, transparenca dhe përgjegjësia të jenë parimet kryesore të çdo politike.