Detaje nga plagosja në hotel, i riu ishte kthyer nga Spanja, e qëlloi të dashurën aksidentalisht

Zbardhen detaje të reja nga plagosja me armë zjarri e të resë në një hotel në autostradën Durrës-Tiranë.

Mësohet se autori i plagosjes Fatbardh.D kishte disa ditë që kishte ardhur nga Spanja.

Ai kishte kaluar natën në hotel me të dashurën e tij Edisa.K.

Dyshimet e para janë se ai ka qenë në gjendje të dehur dhe i ka shkrepur aksidentalisht pistoleta duke e plagosur të dashurën në shpatull.

Pas kësaj ngjarje ai ka ikur nga hoteli dhe e ka lënë aty vajzën.

Punonjësit e hotelit kanë njoftuar Policinë dhe kjo e fundit më pas spitalin për autoambulancën.