“Jam ujk i vjetër!” – Gjergj Luca shpërthen ndaj Sali Berishës: Me taksat e mia ha bukë ti dhe çeta jote!

Biznesmeni i njohur Gjergj Luca ka reaguar ashpër ndaj akuzave të hedhura nga kreu i Partisë Demokratike, Sali Berisha, i cili pretendon se Luca ka përfituar Portin e Peshkimit.

Përmes një video-mesazhi, Luca i është përgjigjur drejtpërdrejt Berishës, duke i cilësuar deklaratat e tij si shpifje dhe mashtrime të përsëritura.

Me tone të forta dhe ironi therëse, ai thekson se aktiviteti i tij është i ligjshëm dhe i ndershëm, ndërsa akuzat i konsideron përpjekje për baltosje politike.

“Sali efendi që nuk le pa përgojuar njeri!

Jam ujk i vjetër i tokës, i detit dhe i oqeanit.

Nuk e ndal askush Gjergj Lucën në misionin dhe në punët e tij të ndershme me të cilat paguaj taksa dhe me këto taksa ha bukë ti dhe çeta jote e shpifësve!”, shprehet nder te tjera biznesmeni Gjergj Luca.

https://www.instagram.com/reel/DU8F8gwiIKp/?igsh=MXI5d2l6bGk0ZHppZA==