Aksident me dy të plagosur te kthesa e Viroit në Gjirokastër

Një tjetër aksident ka ndodhur në vend, pasi atij në Librazhd-Elbasan, këtë herë në kthesën e Viroit në Gjirokastër.

Raportohet se në aksident janë përshirë dy automjete, ndërsa paraprakisht raportohet se kanë mbetur të plagosur shoferët, të cilët janë dërguar në spital dhe ndodhen jashtë rrezikut për jetën.

Shkak dyshohet të jetë bërë lagështia dhe mjegulla e dendur në këtë aks. Policia ndodhet në vendngjarje dhe po punohet për zbardhjen e plotë të ngjarjes.

Njoftimi i policise:

Rreth orës 14:10, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti me drejtuese shtetasen L. S., 37 vjeçe, është përplasur me automjetin me drejtues shtetasin A. B., 23 vjeç.

Nga përplasja janë dëmtuar 2 drejtuesit e automjeteve, të cilët janë dërguar në spital, ku po marrin asistencë mjekësore dhe janë jashtë rrezikut për jetën.

Grupi hetimor po punon për sqarimin e rrethanave të aksidentit.