Prapaskena

Ilir Meta akuzon Bashën për vrasjet e 21 Janarit dhe montimin e videos së korrupsionit

Publikuar: 26/01/2022

Presidenti Ilir Meta ka hedhur akuza të forta ndaj kryedemokratit Lulzim Basha, të cilin e ka akuzuar për vrasjet e 21 Janarit, bashkë me Edi Ramën. Kjo është hera e parë që Meta akuzon Bashën.

Meta tha se e kishte marrë lajmin nga disa miq matanë oqeanit se në 21 Janar ishin planifikuar të bëheshin vrasje, ndaj edhe da dorëheqjen disa ditë më përpara protestës.

Qytetarët në 21 Janar i ka vrarë Edi Rama me Lulzim Bashën. Unë kam qenë në një emision te Blendi Fevziu një natë përpara se të jepja dorëheqjen. Nuk e kisha ndërmend që të jepja dorëheqjen, pasi nuk mendoja se do shkonte në atë mënyrë. Këta kishin bërë atë montimin e videos për 700 mijë euro. Te Blendi Fevziu them që s’kam ndërmend të jap dorëheqjen. Në mëngjes më bie zilja te shtëpia. Vjen një haber, nga ata miqtë e mi të vjetër dhe të rinj. Më thotë mua, “shiko, vlerësoje pak më mirë këtë situatë, pasi planifikohen të bëhen vrasje në protestën që do bëhej.Ti s’duhet të jesh në zyrë”. Ma sollën haberin miqtë e mi matanë oqeanit.

Vajta te doktori i madh. I thashë se situata duhet marrë më shumë seriozisht. Unë duhet të jap dorëheqjen sa më parë dhe t’i kërkojmë Prokurorisë ta hetojë këtë çështje pasi ata kanë planifikuar të vrasin njerëz në protestë. Tani do marr masa që situata të mos shkojë dri aty ku duan ata. I kam marrë informata se nga cilat komuna do vinin ata. Ua kam dërguar me shkrim Lulzim Bashës, Policisë së shtetit. Më thanë që i kishin marrë masat. Atyre u interesonte të ndodhte ajo që ndohi”, tha Meta.



Më të lexuarat