Detaje të reja nga zjarri në Astir, e moshuara ishte dhunuar disa herë nga djali, refuzonte mbrojtjen

Detaje të reja janë zbardhur në lidhje me ngjarjen e rëndë që është shënuar ditën e djeshme në Astir, ku një grua dhe djali i saj u hodhën nga kati i 3-të për t’i shpëtuar flakëve që kishin përfshirë banesën.

Nga ngjarja ndërroi jetë nëna 62-vjeçare Hava Osmënaj, ndërsa mbeti i plagosur djali Klodian Osmënaj.

Bëhet me dije se policia kishte shkuar shpesh në familjen Osmënaj, për shkak se denoncimeve që bënin banorët e pallatit.

Burime për media bëjnë me dije se 62-vjeçarja dhunohej shpesh nga djali i saj, i cili ka probleme mendore. Edhe pse ajo dhunohej shpesh kurrë nuk kishte denoncuar apo të kërkonte urdhër mbrojtje.

Përveç banesës së familjes Osmënaj e cila është shkrumbuar tërësisht, mësohet se dëme të mëdha janë shkaktuar dhe në katin e tretë, ku dëmtime kanë pasur dyert e katit ku ndodhej banesa. Gjithashtu plagë ka marrë edhe një grua, fqinja e viktimës.