Shokuese! Shqiptari përdhunon vajzat e tij të mitura dhe dhunon gruan

Një shqiptar në Itali, është arrestuar për abuzimin seksual që ka bërë ndaj dy vajzave të tij, kur ato kanë qenë 4 dhe 5 vjeçe, si dhe për dhunën sistematike të ushtruar ndaj të shoqes.

Ngjarja është mësuar nga denoncimi i bërë nga vajza e tij e madhe, sot 29-vjeçe.

Ajo ka denoncuar të atin në polici, pas një debati në shtëpi dhe gjatë marrjes në pyetje është mësuar i gjithë abuzimi seksual dhe dhuna që shqiptari i ushtronte gruas. E reja ka thënë se nga mosha 5 deri në 8 vjeçe, respektivisht midis viteve 1999 dhe 2002, është abuzuar seksualisht nga i ati.

Ndërsa edhe motra e saj e vogël është abuzuar seksualisht nga babai i tyre për vite të tëra.

Policia njofton se burri është një person i varur nga alkooli, bixhozi dhe pjesën më të madhe të kohës e kalonte pa punuar. Sipas karabinierëve, 56-vjeçari vazhdimisht dhunonte e kërcënonte 2 vajzat e gruan me vdekje.