Rama jep lajmin e madh: Nuk do kemi orare kufizuese këtë verë, çdo gjë e hapur, siguruam vaksinat

Merrni frymë lirisht! Këtë verë nuk do ketë më kufizime. Lajmin e dha sot kryeministri Edi Rama, në nisje të valsinimit masiv të popullsisë.

Kryeministri tha se vaksinat janë siguruar dhe këtë verë do presim turistë nga e gjithë bota.

“Kjo kohë që po e lëmë pas ishte tejet e vështirë, por ne nuk jemi nga ata që dorëzohen jo. I siguruam vaksinat kundër të gjitha parashikimeve, për pak muaj kjo vuajtje do të mbarojë. Shqipëria këtë verë do të presë turistë nga e gjitha bota. Hotelet, baret e restorantet, klubet, edhe në majë të malit do të jenë të hapura, pa orare kufizuese. Do të kthehemi përsëri në jetën tonë të dëshiruar dhe do të vazhdojmë me forcë e me shpejtësi përpara. Kemi kaq shumë punë për të çuar deri në fund, e plot të mira e gëzime për të ndarë me njëri tjetrin. Shqipëria është e ardhmja jonë!”, thuhet në videomesazhin e Ramës.