Kjo është Tire Alldervishi, mashtruesja që zhvaste paratë dhe u hiqte bukën të sëmurëve me covid
Pa Kategori
Publikuar: 13/01/2021
Kjo është Tire Alldervishi sanitarja që u hoq si infermiere e ‘Shefqet Ndroqit’ dhe i mori vajzës së një pacienteje me koronavirus para për tii shërbyer. Ajo u arrestua sot.
Ka qenë pikërisht vajza e të sëmurës me covid, E. S., 30 vjeçe, e cila ka kallëzuar se gjatë muajit dhjetor, kur nëna e saj ka qenë e shtruar në spital, Tire Alldervishi e ka mashtruar duke i marrë rregullisht shuma monetare nga 5.000-6.000 lekë.
Sipas 30-vjeçares e cila ka kallëzuar Tire Alldervishin, kjo e fundit i ka marrë rreth 8 milionë lekë të vjetra për shërbimet ndaj nënës së saj.
Akuzat e vajzës të cilës i vdiq nëna për shkak të covidit, janë faktuar me biseda në aplikacionin e komunikimit WhatsApp.
E ndjera është ankuar se sanitarja që e kishte paguar i ka hequr bukën, ujin dhe nuk e ka ndërruar, për shkak se të gjitha nevojat personale ajo detyrohej t’i kryente në krevat.
Fatkeqësisht, pacientja me COVID ndërroi jetë pas 28 ditësh në luftë me këtë virus.
