Bashkëshorti i Elisa Spiropalit paraqitet në Policinë e Tiranës, ja çfarë dyshohet

Salarjon Totaj, bashkëshorti i deputetes së Partisë Socialiste dhe ish-ministres së Jashtme, Elisa Spiropali, është paraqitur sot në ambientet e Drejtorisë së Policisë së Tiranës, ku është marrë në pyetje nga autoritetet.

Sipas të dhënave paraprake, Totaj dyshohet se i ka dërguar mesazhe kërcënuese në telefon nje zyrtari të Tatimeve.

Vox News mëson se bëhet fjalë për mesazhe me përmbajtje kërcënuese, por jo për një kërcënim fizik.

Sipas burimeve, shkak i përplasjes dyshohet të jetë bërë një kontroll tatimor i kryer nga administrata tatimore ndaj një biznesi të lidhur me Totajn.

Deri më tani nuk ka një njoftim zyrtar nga Policia e Tiranës lidhur me procedurën e ndjekur dhe përmbajtjen e saktë të mesazheve.

Pritet që autoritetet të japin më shumë detaje mbi rastin.

/voxnews