‘Më gënjyen Elisa me Bushatin’, neomalësorja tentativa për t’u rikthyer në PS pas zbehjes së protestës, 12 deputetët që i premtuan nuk u larguan nga PS-ja

Depuetja Marjana Koçeku ka nisut të shfaqë shenja pendese për vendimin e nxituar për t’u larguar nga grupi parlamentar socialist, e prekur në sedër pasi Edi Rama, gjatë një mbledhje në Shkodër, iu drejtua Koçekut me një ton sfidues dhe ndoshta poshtërues. Koçeku mësohet se ka përjetuar dramtikisht mënyrën se si Rama i kishte folur në mbledhje.

Pakënaqësia e Koçekut është shfrytëzuar menjëherë nga shokët e saj Elisa Spiropali dhe Ditmir Bushati, që të dy me ambicie për t’u bërë kryeministër të qeverisë teknike, nëse prosta që ka hyrë në muajin e dytë do të detyrojë Edi Ramën të jepte dorëheqjen. Sipas burimeve, Elisa Spiropali dhe Ditmir Bushati, ndoshta edhe Kliti Hoti, i kanë fryrë në vesh neomalësores, duke e nxitur për rebelim ndaj Ramës, pikërisht në një moment ku pozitat e Ramës janë të vështira për shkak të protestës së flamingove.

Spiropali dhe Bushati mësohet se kanë arritur t’a bindnin Koçekun se nëse ajo do të deklaronte largimin nga grupi i PS-së, janë edhe 12 deputetë të tjera që do të ndjekin rrugën e saj. Skenari më tej parashikonte bashkëpunim me Berishën për të rrëzuar Ramën si kryeministër në Kuvend përmes një mocioni mosbesimi. Me këtë lëvizje adresohej edhe kërkesa kryesore e protestuesve për largimin e Ramës, por nga tjetër Bushatit dhe Spiropalit u hapej rruga për t’i zënë vendin Rama.

Zonjës Koçeku i ishin ofruar dy opsione; ministre e Bujqësisë ose kandidate për kryetare e Bashkisë së Shkodrës në 2027. Koçeku e bëri lëvizjeb e saj, e justifikoi me disa shpjegime që ia shkruanin herë Bushati dhe here Elisa. Por, nga ana tjetër, largimi i 12 deputetëve nuk po ndodh siç Bushati dhe Elisa kishin rrahur gjoksin. Përkundrazi, protesta duket se ka shtrëngur më tej radhët në grupin parlamentar të PS. Madje edhe vetë Elisa nuk u largua nga grupi i PS, për shkak të disa dosjeve për fshehje pasurie, korrupsion dhe pastrim parash.

Nga ana tjetër, protesta ka ardhur duke u zbehur dhe degraduar në akte dhune. E zhënjyer nga aventurierët Bushati-Spiropali, Marjana Koçeku mësohet se ka hyrë në bisedime me drejtues të selisë rozë për t’u rikthyer në grupin parlamentar socialistë. Sipas burimeve, Koçeku i ka kërkuar Taulant Ballës të rikthehet në grupin e PS, por vendimi për t’a pranuar apo jo i takon Edi Ramës.