Rama replikon sërish me gjykatësin Balliu: As 10 minuta nuk i janë dashur që t’i dalë kundër shtetit

Kryeministri Edi Rama ka vijuar replikat me gjyqtarin Hazbi Balliu.

Rama e akuzon gjyqtarin Balliu se ka marrë në mbrojtje palën përfaqësuese të një pallati të ndërtuar totalisht pa leje dhe të konfiskuar në Tiranë, ku u sistemua Agjencia Shtetërore e Kadastrës.

Sipas Ramës, Balliu e ka marrë vendimin kundër shtetit dhe në favor të përfaqësuesve të pallatit, brenda 10 minutave.

“As 10 minuta nuk i janë dashur gjykatësit Balliu që t’i dalë kundër shtetit dhe të marrë anën e paditësve që kanë bërë një pallat të tërë pa leje, i cili u konfiskua si i tillë e iu dha Agjencisë Shtetërore të Kadastrës

Materialet që institucionet i vunë në dispozicion Balliut duan shumë më tepër se 9 minuta të lexohen, por natyrisht që gjykatësi as nuk i ka lexuar sepse i ka mjaftuar fakti që në godinën e vjetër të ASHK, e cila është bërë e pasigurtë nga tërmeti nuk ka pasur asnjë viktimë dhe kësisoj puna sipas tij mund të vazhdonte nën tavanët që binin, ndërsa pallatin pa leje shohim e bëjmë…”-shkruan Rama.