80-vjeçari humb jetën mes flakëve në Gramsh! Dyshohet se i moshuari ndezi zjarr në kopshtin e banesës në Kullollas, situata i doli nga kontrolli

Një person ka humbur jetën, ndërsa disa të tjerë kanë mbetur të bllokuar nga flakët, që kanë përfshirë fshatrat e Gramshit.

“Rreth orës 11:00, dyshohet se një shtetas rreth 80 vjeç, ka ndezur zjarr në kopshtin e banesës së tij, në fshatin Kullollas, zjarr i cili ka dalë jashtë kontrolli dhe është përhapur masivisht, në disa fshatra të rrethit të Gramshit. Dyshohet se si pasojë e asfiksimit, ky shtetas ka humbur jetën”, njofton policia.

Ndërkohë, vijon beteja me flakët në disa fshatra të Gramshit.