Çfarë e lidh Berishën me famëkeqin Manafort? Çupi: Është i lidhur me Kremlin, në PD ka investim rus

Një tjetër amerikan është shfaqur krah Sali Berishës gjatë fushatës për zgjedhjet e 11 majit. Paul Manafort, i njohur për lidhjet e tij me Kremlinin, i dënuar për evazion fiskal, pastrim parash, mashtrime dëshmitarësh, kërcënim dëshmitarësh, dëshmi të rreme dhe krime të tjera federale, ka dalë publikisht krah Berishës dhe Chris LaCivita.

Analisti Frrok Çupi tha se famëkeqi Manafort është i lidhur me Kremlinin.

Më tej, ai u ndal duke thënë se Paul Manafort ka shkelur në pika që Moska ka investuar, duke përfshirë dhe PD që sipas tij ka investime ruse.

“Manafort ka një hartë të hollësishme të këtyre zonave dhe një hartë të ndjeshme të bazave të veta ku dhe ai mund të zbarkojë.

Për Manafort pati fatin e keq që shkoi në burg dhe ishte goditje e madhe ndaj Trump i cili e besonte dhe ishin dy dinosaur politikë.

E gjitha ka qenë nën kujdestarinë e Moskës, Manafort ka shkelur në të tëra pikat ku Moska ka investuar, në partitë politike, në Serbi, Maqedoni dhe në partinë Demokratike që ka një investim rus. Manafort vjen në cerdhen e tij”, tha analisti Çupi në ABC News.