“Berisha gënjen që do heqë tarifat doganore, nuk ka vota”, Ngjela: Është i shpallur non grata, SHBA-së nuk i leverdis ta ketë në pushtet

Avokati Spartak Ngjela ka komentuar premtimet e Sali Berishës lidhur me tarifat doganore.

Ngjela u shpreh në Report Tv se Berisha gënjen kur thotë se do të ndikojë në heqjen e tarifave të vendosura nga Presidenti i SHBA, Donald Trump.

Avokati shtoi se Berisha është Non Grata dhe SHBA-ve nuk u leverdis që të ketë në Shqipëri një politikan nga i cili është distancuar.

“Gënjen se s’ka vota. Nëse vjen me kryengritje, po. Por erdhi njëherë me kryengritje, por e morën amerikanët dhe i thanë: ‘Largohu për 20 minuta se vijmë ne’.

Se e bëri një revolucion ai atëherë. I leverdis Amerikës të ketë në Shqipëri një Non Grata? Na ka aleatin kryesor, mos e harroni këtë”,-tha Ngjela.