Prapaskena

Krim & Korrupsion

Çim Peka shkruan artikujt tek Reporter.al? Si ka degraduar Birn, media që financohet nga SHBA-BE

Publikuar: 23/10/2023

Dikur një media serioze, me standarde profesionale dhe besueshme, mbështetëse e Reformës në drejtësi dhe financuar nga ndërkombëtarët, Reporter.al (Birn) ka degraduar në një portal i Arben Ahmetajt si dhe është kthyer si Syri Tv i Familje Berisha apo gazeta 55.

Ashtu si Syri Tv, Birn ka vënë në dyshim akuzën e SPAK për korrupsion pasiv ndaj Sali Berishës, referuar dosjes së ish Klubit Partizani, pronë të cilën Berisha e kaloi në ermrin e dhëndrit të tij, Jamarbër Malltezi, i arrestuar me kërkesë të SPAK-ut.

Edhe pse është gjykata organi kompetent që vlerëson, konfirmon ose rrëzon akuzën e SPAK, Reporter.al aludon se akuzat ndaj Berishës mund të jenë një hakmarrje politike.

Pra Birn mbështet alibinë e Sali Berishës se akuzat e SPAK ndaj tij janë një hakmarrje politike e Edi Ramës ndaj tij si dhe skenar i Ramës për të asgjesuar opozitën e vërtetë.

Sipas Birn, SPAK është një vegël në duart e Ramës, tezë kjo e Sali Berishë dhe Ilir Metës, kundërshtarëve më të përbetuar të SHBA-BE.

Jo vetëm kaq, por në fund të artikullit jepet alarmi se Shqipëria po mbetet pa opozitë të besueshme.

Sipas Reporter.al, Sali Berisha, prej tre dekadash pjesë dhe simbol i kastës së vjetër politike, i shpallur non grata nga SHBA-të për korrupsion, është opozita e besueshme në Shqipëri.

“Nëse shpallet fajtor për korrupsion pasiv, ai rrezikon të burgoset nga katër deri në 12 vjet. Ndërkohë, qeveria e Edi Ramës, e cila është e zhytur në skandalet e veta korruptive, duket se nuk përballet me asnjë opozitë të besueshme – duke shtuar ankthin për shëndetin e demokracisë në Shqipëri”, shkruan Reporter.al.

Është një artikull militantesk dhe fanatik thua se është shkruar nga Çim Peka apo nga Armand Shkullaku.

Kujtojmë që më herët, Birn, financuar nga SHBA-BE si mbështetje ndaj reformës nē drejtësi, ka marrë mbrojtje Arben Ahmetajn, në kërkim për korrupsion dhe pastrim parash.

Një gazetare që është shëtitur nga Arben Ahmetaj në charter, vijon që të keqinterpretojë dosjet e korrupsionit të SPAK për Arben Ahmetajn, duke mbrojtur këtë të fundit dhe sulmuar kundërshtarët e tij politikë brenda partisë.



Më të lexuarat