Çfarë e lidh Genc Gjokutajn me Endrit Doklen dhe çfarë mendon avokati i ‘mbërtheckave’ për hapjen e bixhozit

Avokati Ilir Metës, Genci Gjokutaj, u shfaq sot duke folur për dosjet e SPAK-ut në një konferencë për sigurinë që kishte organizuar Sali Berisha, i shpallur non grata nga Shtetet e Bashkuara të Amerikës për korrupsion.

I arrestuar në vitin 2016 në gjendje të dehur në timon dhe për kundërshtim të punonjësve të policisë, Genci Gjokutaj foli për lidhjet e krimit me pushtetarët, por edhe për cilësinë e padive në SPAK.

Meqenëse foli me kompetencë për krimin, po i drejtojmë disa pyetje avokatit Gjokutaj:

Çfarë lidhjesh ke pasur me Endrit Doklen, ish numrin dy të ish Bandës së Durrësit dhe a i ke marrë ndonjë punë përsipër?

A je kërcënuar për pazare të prishura nga krimi dhe a ke bërë denoncim?

Si i ke raportet me bixhozin?

A e ke lënë një shtëpi në bixhoz dhe çfarë historie fshihet pas?

Kujtojmë që Gjokutaj ka qenë avokat i Ylli Pangos për çështjen e ‘mbërtheckave’, avokat i shokut të Shkëlzenit, Rrahaman Selmanllari, avokat i Damir Fazlliçit dhe së fundmi avokat i Ilir Metës.

Mbetet për t’u parë nëse edhe Shkëlzeni dhe Jamarbri do ta kontraktojnë si avokat nga shtatori.