Prapaskena

Krim & Korrupsion

Vrau 90-vjeçaren dhe i rrëmbeu tokën në Velipojë, trafikanti Pëllumb Gjoka shpallet investitor strategjik. Ka blerë policinë dhe prokurorinë e Shkodrës. Pse hesht SPAK?

Publikuar: 13/06/2023

Edi Rama nuk zhgënjen. Pëllumb Gjokën, një personazh i lakuar si trafikant droge, i denoncuar për vrasje dhe rrëmbim pasurie, falsifike dhe mashtrim, e shpall investitor strategjik, duke i dhënë 30 mijë m2 plazh falas për 30 vite, për të bërë një investim me vlerë mbi 50 mijë euro, me burim të dyshimtë.

Në vend që të ishte objekt i SPAK-ut dhe i veprimit të ligjit anti-mafia, Pëllumb Gjoka arrin të çajë qeverinë Rama, me anë të mikut të tij, Tom Doshi, duke marrë prona publike.

Ndësa SPAK mësohet se po heton Tom Doshin me urdhër nga SHBA, miku i tij Pëllumb Gjoka vijon të pastrojë paratë e pista në ndërtim, kazino etj., duke blerë policinë e Shkodrës dhe Prokurorinë sa herë që i hapet ndonjë hetim api i kapet ndonjë ushtar droge, siç ishte rasti i disa ditëve më parë në Velipojë.

Për të shpëtuar dy ushtarët e parcelës në Velipojë, i janë dhënë 100 mijë euro policisë kriminale të Shkodrës për fshehjen e disa fakteve dhe gjykatës për t’i liruar.

Vrasja e 90-vjeçares

Një krim i shumfishtë me protagonist biznesmenin Pëllumb Gjoka, ndërsa prokurorja Franceskina Lekani vihet në shërbim të tij, duke i mbyllur dosjen.

Pëllumb Gjoka, sipas ‘Gazetari.al’, ka vrarë 90-vjeçaren nga Malësia e Madhe, Drane Hotaj, duke i manipuluar më pas testamentin dhe grabitur 390 mijë m2 tokë në bregdetin e Velipojës.

Lule Zefi akuzon Gjokën se i ka vrarë nënën për t’i grabitur pronën, në të cilën synon të ndërtojë një resort. Madje në Kryeministri janë bërë gati letrat për ta shpallur Pëllumb Gjokën investitor strategjik.

Më pas, Lule Zefi thotë se Pëllumb Gjoka ka dërguar Agim Ajeti (Halitin) për ta vrarë edhe atë, por vrasësit me pagesë i është bllokuar arma.

Akuza është mjaft e rëndë dhe tronditëse. Por, edhe nëse akuzat rezultojnë jo të vërteta, do të mjaftonin disa fakte të tjera flagrante që Pëllumb Gjoka të arrestohej dhe prona të kthehej në gjendjen fillestare.

Një mal me falsifikime 

Biznesmeni i dyshimtë Pëllumb Gjoka ka grabitur 390 dynym rërë në vijën bregdetare të Velipojës, duke fasifikuar dokumentet, me qëllim për të ndërtuar një resort.

Gjoka, i akuzuar nga opozita si trafikant, për krime zgjedhore dhe vrasje, në bashkëpunim me persona  të tjerë, ka arritur të falsifikojë edhe firmën e prokurores Tatjana Laçej si dhe një testament të 99-vjeçares Drane Hotaj, duke u bërë pronar i rërës në Velipojë.

Për këtë skandal është hapur një dosje penale nga prokurorja Franceskina Lekani. Prokurorja ka mbyllur dosjen pa kërkuar ndëshkimin e falsifikatorëve dhe kthimin e pronës shtetit. Lekanin duket se e ka futur në ‘thes’ Pëllumb Gjoka.

Kemi të bëjmë me një grup të strukturuar kriminal që ka grabituar në bashkëpunim pronën publike. Nuk dihet nëse SPAK ka nisur ende hetimet.

Skema

Nga dosja rezulton se këtë pronë e ka fituar një 99-vjeçare e ndjerë Drane Hotaj, e cila ka lindur në Velipojë, por banonte në Grizhë të Malsisë Madhe.

Pretendohet se Drane Hotaj i ka dhënë prokurë Ardian Becit për të kërkuar pronat e saj.

Beci ka paraqitur kërkesën pranë Agjencisë se Kthim Kompensimit Pronave në Tiranë për kthimin e sipërfaqes 390 dynym tokë, por kjo kërkesë është refuzuar për shkak se dokumentacioni nuk ishte i plotë.

Më pas çështja kalon në gjykatë e cila vendos kthimin e tokës të moshuarës. Pas fitimit të pronësisë, e moshuara pretendohet se bën një testament duke dhuruar tokën.

E moshuara është përdorur si trampolinë për fitimin pronësisë me pas ka dalë jashtë loje duke dhuruar pronën.

Sipas ekspertizës kemi të bëjmë me falsifikimin e tre dokumenteve. Është falsifikuar prokura e shtetasit Ardian Beci, njëkohësisht edhe testamenti i 99 vjeçares.

Kjo çështje më pas i kalon Prokurorisë  ku nga Instituti i Policisë Shkencore vërtetohen ndërhyrje në dokumentacion dhe vula.

Pjese e dosjes është edhe dëshmia e prokurores Tatjana Leçaj, emri i të cilës figuron te vërtetimi hipotekor i vitit 1997.

Ajo ka dëshmuar se nuk e ka firmosur asnjë dokument hipotekor për më tepër në këtë periudhë  ajo nuk punonte në hipotekën e Shkodrës, por në Prokurorinë e Tiranës.

E ndodhur para një varg falsifikimesh të provuara prokurorja Franceskina Lekani ka kërkuar pushimin e çështjes. Sipas avokatit Loren Liço ne këto raste  prokuroria duhet të kërkojë sekuestrimin e dokumenteve të falsifikuara dhe asgjësimin e tyre.

Ne lidhje me kërkesën e prokurores Franceskina Lekani për pushimin e hetimeve fjalën e fundit pritet që ta thotë Gjykata e Shkodrës.



Më të lexuarat