Ndjekje si në filmat aksion/ Shqiptarët përplasen me policinë belge, përdoret edhe helikopteri

Policia holandeze në komunën e Kortenberg ka zhvilluar një ndjekje si në filma ndaj tre shtetaseve shqiptarë, ndërkohë dy shqiptarë janë arrestuar si të dyshuar për kryerjen e disa vjedhjeve.

Pas një ndjekjeje të gjatë nga policia, ata kanë përplasur makinën në oborrin e një banesë dhe janë larguar me vrap.

Policia nisi ndjekjen në terren dhe një helikopteri i forcave federale u përdor për të gjurmuar hajdutët.

Dy prej tyre mundën të arrestoheshin nga forcat belge të policisë, ndërkohë që një person i tretë mundi të arratisej.

“Kur ekipi ynë donte të ndalonte të dyshuarit, ata u larguan me makinën e tyre. Pas një ndjekjeje të gjatë, përplasën automjetin e tyre në Kortenbergsesteenweg, afër Blockmanstraat. Më pas ata u larguan në këmbë. Ne ngritëm një operacion kërkimi në shkallë të gjerë dhe morëm mbështetje nga helikopteri i policisë federale. Në fund arritëm të arrestonim dy prej tyre, ndërkohë që i treti është ende i arratisur”, tha Filip Van Steenbergen, shef i policisë së zonës së policisë KASTZE (Kampenhout, Steenokkerzeel dhe Zemst).

“Të dyshuarit vijnë nga Shqipëria. Në makinën e tyre, me targa holandeze, gjetëm sende të cilat janë të vjedhura”, shtoi shefi i policisë.