Apeli i GJKKO rrëzon kërkesën për lirimin e Thoma Gëllçit
Aktualitet
Publikuar: 07/12/2022
Apeli i GJKKO ka lënë në fuqi vendimin e marrë në datën 2 qershor të këtij viti ku ish drejtori i RTSH, Thoma Gëllçi u dënua me 2 vite burg nën akuzën e shpërdorimit të detyrës së tij. Si pasojë e aplikimit të gjykimit të shkurtuar, dënimi i Gëllçit reduktohet në 1 vit dhe 4 muaj heqje lirie.
Vendimi i lënë në fuqi nga GJKKO lë në burg edhe anëtarët e Komisionit të Vlerësimit të Ofertave, Julian Tapia, Ervin Muraj dhe Alban Malaveci të cilët u dënuan me nga 1 vit burg secili.
Vuajtja e dënimit ndaj të pandehurve nis që nga data e arrestimit të tyre, pra nga 8 tetori i vitit 2021.
Thoma Gëllçit dhe zyrtarëve të tjerë të arrestuar, u ndalohet ushtrimi i funksioneve publike për një afat kohor 5 (pesë) vjeçar.
Më të lexuarat
Të ngjashme
