KAOS NË KUVEND! Berisha bllokon foltoren, pezullohet seanca, opozita vijon interpelancën në Facebook

Një situatë kaotike është krijuar në Kuvendin e Shqipërisë paraditen e së enjtes. Sali Berisha dhe deputetët e tij kanë dalë marrë fjalën nga foltorja e Parlamentit ndërsa seanca plenare ishte pezulluar për disa minuta.

Ish-kryeministri Berisha nuk ka pranuar ndërprerjen e seancës plenare nga Ermonela Felaj duke pushtuar fillimisht foltoren e Kuvendit bashkë me deputetët që e mbështesin. Pas debatesh dhe ndërprerjes së seancës, Berisha ka nisur fjalimin e tij pikërisht nga foltorja, por tashmë jo me mikrofonin dhe kamerat e Kuvendit, por nga Facebook-u i tij.

Kuvendi është mbledhur sot në seancë plenare ku do të ketë një mocion me debat për Integrimin Europian.

Seanca nisi në orën 10:00, ndërsa pritet që mes projektligjeve që do të diskutohet është ai për segmentin Qukës-Qafë Plloçë.

Një tjetër çështje për tu diskutuar është akti normative për miratimin e tekstit të amendimit të katërt në marrëveshjen për prodhimin dhe furnizimin nga dhe ndërmjet Pfizer Export B.V.

Ndër të tjera parashikohet që të ketë mocion me debat për Integrimin Europian dhe Mandatet e Imunitetin me objekt konstatimin e pavlefshmërisë dhe mbarimit të mandatit të deputetes Olta Xhaçka.