Komisioni hetimor inspektim në inceneratorin e Sharrës, Tabaku ‘përplaset’ me drejtuesin teknik: Këtu nuk ka impiant, ku janë kriminelët?

Deputetët e PD-së te Komisionit Hetimor kanë dalë në terren për inspektim në inceneratorin e Sharrës.

Jorida Tabaku kërkoi sqarim se pse ende nuk ka incenerim në këtë zonë kur janë derdhur 35 milionë euro, ndërsa drejtuesi teknik i përgigjet se janë brenda afateve të planit të ndërtimit.

Tabaku e konsideroi kriminale këtë që po ndodh në Tiranë duke thënë se po përsëritet  situata si në Fier, teksa u kërkoi mediave të filmonin pamjet ku shihet se nuk ka një impiant funksional.

Përfaqësuesi i firmës nga ana tjetër tha se nuk është kompetent të japë përgjigjie për planin e ndërtimit por që sipas tij procesi është i ligjshëm pasi është brenda afateve të përcaktuara.

Pjesë nga biseda:

Drejtuesi teknik: Është tarifë e dakordësuar mes palëve dhe këtë kontratë e ka brenda afateve të ndërtimit.

Tabaku: Sipas kontratës, koncensionari ka bërë disa investime. Në këto dokumenta investitori duhet të financonte një shumë të caktuar, fatkeqësisht vetëm 30% të vlerës, pse ndodh kjo?

Drejtuesi teknik: Nga data e zbardhjes së lejes së ndërtimit, koncensionari e ka nisur nga data 1 janar 2018…

Tabaku: Sapo është firmosur kontrata ka nisur pagesa.

Në vend plehrash jemi, ministria e finnancave thotë se duhet të bënit një investim 100%, pse thotë 30% dhe nuk është zbatuar kontrata?

Drejtuesi teknik: Unë nuk jam kompetent. Nëse investitori ka plan 6 vite, unën nuk e di. Unë jam inxhinier, nuk e kam idenë për hartimin e planit.

Tabaku: Ku janë administratorët, po pronarët e kompanisë. Erdhëm që erdhëm mos gjenim ndonjë kriminel që janë të shpallur ndërkombtarisht.

Ju nuk keni përgjegjësi por mos u bëni barrierë.

Drejtuesi teknik: Jemi te hapur për cdo veprim!

Tabaku: Këtu nuk kryhet incenerim dhe ashtu sic kemi marrë raportin, mund të ketë cdo lloj gjëje por procedura për të cilën është firmosur jo. Drejtuesi teknik po na thotë se këtu kryhet kjo procedurë sipas standardeve europiane. Ajo që ndodhi në Fier po ndodh në Tiranë, nuk ka incenerator.

Kemi paguar 35 milionë euro! Ja shihni pamjet!

-Drejtuesi teknik: Jemi brenda afatave të lejes së ndërtimit. Ndërtimi i impiantit kërkon kohë, nuk bëhet dot brenda ditës.

Tabaku: Pse Bashkia Tiranë e ka dhënë lejen e ndërtimit me vonesë? Boll mbrojtët Erion Veliajn, Klodian Zoton e morëm vesh.

–Këlliçi: Pse nuk janë këtu ata, për të dhënë sqarime?

Drejtuesi teknik: Po ju jap unë informacione teknike…

Këlliçi: Këtu ke qenë dhe vjet ti, e mbaj mend shumë mirë!

Tabaku: Si qytetar ti a ndjen ti barrë morale të mbrosh korrupsionin?….