Skandali i pagave/ Kuvendi me 40 këshilltarë, mes tyre edhe hajduti Kosta Barjaba; profesori Paskal Milo këshillon Lindita Nikollën me mesatare 5.9

Nuk është Ali Baba me 40 hajdutë, por është Kuvendi i Shqipërisë me 40 këshilltarë, të cilët paguhen me paratë publike gjoja për të këshilluar kryetaren e Parlamentit, Lindita Nikolla dhe deputetët milionerë që janë kapur nga oligarkët, monopolet, mafia e miellit, qumështit dhe grabitqarët e pasurive publike.

Ironia qëndron në faktin se si këshilltar në Kuvend paguhet edhe profesori Paskal Milo, ndërkohë që Kuvendi drejtohet nga një personazh si Lindita Nikolla, me mesatare 5.9, të cilën Edi Rama e bëri edhe ministre të Arsimit. Skandali i këshilltarëve parazitë në Kuvendin e Shqipëri del në pah pas publikimit të listës së pagave.

Mes emrave të 40 këshilltarëve qokaxhinj që paguhen me paratë e shqiptarëve figuron edhe Kosta Barjaba, akademiku i arrestuar në SHBA për vjedhje. Me sa duket, Barjaba e këshillon Lindita Nikollën si të kapë ndonjë dorë parash me tenderat e Kuvendit. Me tyre është edhe ish kreu i Gardës, ish deputeti dhe ish drejtori i burgjeve, Arben Çuko, i arrestuar më parë në kuadër të dosjes për grupin e kokainës së Hasit, për ryshfet, për leje dhe transferim të të dënuarve, por më pas u lirua nga gjykata. Mes këshilltarëve janë edhe ish deputeti Ervin Koçi si dhe Knut Fleckenstein.

Pjesa tjetër janë personazhe anonimë, por që marrin pagën si këshilltarë për shkak të lidhjeve politike, klienteliste dhe familjare me deputetë dhe qeverinë e Bablokut. Numri i pazakontë i këshilltarëve tregon edhe një herë degradimin e shtetit shqiptar, si një organizëm që thith paratë publike për të paguar një rreth të madh klientësh dhe qokaxhinjsh.

Askush nuk ka turp para shqiptarëve, askush nuk skuqet, askush nuk ndërmerr një veprim reflektimi. Më i frikshëm është reagimi i papërgjegjshëm i Edi Ramës, njeriut që mban sot peshën kryesore të përgjegjësisë për degjenerimin e administratës dhe përdorimin e buxhetit të shtetit për të mbajtur në zyrat e shtetit njerëzit e deputetëve, drejtorëve dhe ushtrinë e militantëve.

Këshilltarët në Kuvend

Paskal Milo

Arben Çuko

Ervin Koçi

Kosta Barjaba

Knut Fleckenstein

Kledia Haska

Malvin Kaçaj

Ervis Mateli

Alda Milo

Besi Londo

Adela Sollaku

Eva Guri

Elerta Shanaj

Ina Jano

Nivini Lekaj

Holta Nika

Ela Nikaj

Marlind Myftiu

Edlira Rama

Iva Seseri

Xhilda Pinci

Manjola Merlika

Gazmend Bici

Eriola Tafaj

Andi Nano

Ervina Domi

Eglantina Jera

Almida Kondakçiu

Artan Banushi

Genc Pecani

Luan Zhuzhi

Eraldo Xhani

Odeta Berberi

Navi Noka

Nadja Buka

Kesiana Rusi

Ilir Barjaba

Denis Gila

Mimoza Arbi

Muhamet Bela