“S’kam ndërmend të merrem me kufomat grata-nongrata”, reagon Rama: Nesër vendosim Konsultimin e Madh Kombëtar

Në një moment kur tema më e diskutuar në opinionin publik shqiptar është përplasja Basha-Berisha dhe fati i Partisë Demokratike, mësa duket i vetmi që nuk i intereson kjo gjë është Kryeministri Edi Rama.

Në një postim në Tëitter, Kryeministri shqiptar shkruan se nuk ka ndërmend të merret me kufomat ‘grata-nongrata’, por është i përqëndruar në ecjen përpara të vendit tonë.

Kreu i qeverisë thekson se ditën e nesërme do të vendoset në qeveri Konsultimi i madh Kombëtar me shqiptarët për vendimet e rendësishme të vitit që po vjen.

Postimi i Rames

S’kam ndërmend të merrem as me kufomat gratanongrata as me dordolecët e papagallët grata e vinci (gërvisht e fito) që kanë hyrë në një vorbull marrëzie qesharake bravash, dyersh, kanalesh e portalesh, kinse po duan kush e kush të luftojë më fort regjimin, korrupsionin, vuqiqin!

Jam i inkurajuar që drejtësia e re po jep sinjale të qarta pa dallim ngjyrash, ekonomia po vijon ringjitjen pas pandemisë, sporteleve po u vjen fundi bashkë me vitin në ikje dhe më e mira është e gjitha përpara, duan s’duan humbësit fitimtarë të kuvendeve demokratike e mediatike!

Nesër vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin,jashtë llogoreve të ngushta partiake e llogjeve të mëdha provinciale!Ata s’kanë ç’humbin më ne s’kemi kohë për të humbur!