Manchester United hedh pas krahëve humbjen dramatike, Ronaldo mposht Tottenham

FUTBOLL – Humbja dramatike kundër Liverpool javën e kaluar (5-0 në Old Trafford), duket se nuk e ka dekurajuar Manchester United.

“Djajtë e Kuq” janë rikthyer sërish fuqishmë, duke fituar bindshëm 3-0 kundër Tottenham në Londër.

Cristiano Ronaldo ishte protagonist me një gol dhe një asist për “Djajtë e Kuq”. Portugezi shënoi golin e parë të ndeshjes në të 39’, me një gjuajtje të bukur brenda zonës, falë edhe një pasimi spektakolar të Fernandes. Ai u vlerësua me notën 8.4

Në pjesën e dytë, Ronaldo ishte në rolin e asistuesit, kur nxori të lirë Edinson Cavani-n që me qetësi dyfishoi rezultatin për të tijtë. Marcus Rashord shuajti çdo shpresë të Tottenham katër minuta para fundit të kohës së rregullt, kur u nxor i lirë nga Matic në krah të majtë dhe nuk gaboi para Lloris.

United ngjitet në kuotën e 17 pikëve, në vend të pestë të renditjes, me vetëm 5 fitore në 10 ndeshje të luajtura deri tani në Premier League.