Foto nga vendngjarja/ Pëson defekt në ajër, avioni rrëzohet në zonën e Kelmendit, dy persona largohen me ‘Fuoristradë’
Pa Kategori
Publikuar: 04/10/2021
Një avion i vogël ka pësuar një defekt në ajër dhe për rrjedhojë ka bërë ulje të detyrueshme në zonën e Kelmendit, në Malësinë e Madhe.
Lajmi bëhet i ditur për “BalkanWeb” nga gazetari Senad Nikshiqi, i cili raporton se nuk dihet ende çfarë avioni është, ndërsa fatmirësisht nuk ka viktima.
Ndërkohë, forcat e policisë janë nisur drejt vendngjarjes dhe pritet të zbardhin detaje. “BalkanWeb” sjell pamjet e para nga vendngjarja, ku shihet avioni i rrëzuar. Ndërkohë, siç raporton gazetari Nikshiqi, një mjet tip “Fuoristradë” ka shkuar në vendngjarje dhe ka marrë dy personat, që ndodheshin në avion, duke u larguar.
Më të lexuarat
