“Isha në Bllok, tani do…”/ Telefonata e fundit me të vëllain e 28-vjeçarit që vdiq tragjikisht tek Rogner

“40 minuta, ose maksimumi 1 orë para aksidentit kam pasur bisedën e fundit me Ajdinin. Më tregoi se si kishte kaluar”. Ky është rrëfimi i dhembshëm i vëllait të Ajdin Mustafit, të riut që ra nga hotel ‘Rogneri’.

Erkani tregoi telefonatën e fundit me vëllain, si dhe impresionet e vizitës së këtij të fundit në Tiranë dhe planet e qëndrimit 3 ditor.

“Ishte një bisedë e shkurtër, ku drejtori gjeneral na shprehu ngushëllime dhe tha se ngjarja do të zbardhej. Në telefon më tha; do të bëjë doemos që të zbulohet e vërteta deri te kjo tragjedi. Kemi qenë dy vite më parë. Pas asaj vizite erdhëm prapë. Ai erdhi vetëm. Në Tiranë ka hotele të bukura, restorante të reja, të bukura. Ka njerëz të rinj, popullatë e re.

E kam pasur diku më herët ose 1 orë maksimumi telefonatën e fundit. Bënim shaka. Më tregoi se si erdhi me aeroplan, se si po kalonte në Tiranë. Ka shkuar në Bllok dhe çfarë parashikonte që të bënte brenda weekendit. Donte të vizitonte së pari Pazarin e Ri dhe bunkerin muze në mes të Tiranës,” tregon i vëllai për News24.