Sot shënohen plot 23-vite nga vrasja më e bujshme në historinë politike të Shqipërisë, në të paktën këto 30 vite. 23 vite më parë, më 12 shtator 1998, u ekzekutua themeluesi i Partisë Demokratike, Azem Hajdarit, një prej personazheve më të rëndësishme të atyre viteve të parë pluralizmi në Shqipëri.
Sot, si çdo vit politikanë të ndryshëm përpiqen ta nderojnë kujtimin e Azem Hajdarit me postime në Facebook apo me një kurorë me lule te memoriali i tij, pikërisht në vendin ku ai u vra. Por të gjithë këta politikanë, në veccanti Berisha dhe Besha, janë shigjetuar me kritika të ashpra ndaj bija e tij, ish-deputetja Rudina Hajdari. Ajo ka kritikuat edhe Kryeministrin Rama.
“Ata që e zvarritën vendin në rrugëtimin e tranzicionit pafund politik, me qëllim i sabotuan institucionet dhe mekanizmat demokratikë me synimin për ta vendosur shtetin në shërbim të interesave të tyre personale e familjare. Kështu për 30 vite, shteti, buxheti, pasuritë natyrore etj, nuk i shërbyen mirëqenies së përgjithshme por interesave të vetëm një grupimi i cili është pasuruar përtej çdo imagjinate, teksa shqiptarët ose janë varfëruar ose kanë emigruar ose ëndërrojnë të emigrojnë teksa ndiejnë se s’kanë të ardhme në këtë vend”, shkruan Hajdari në një letër shumë të ndjerë në këtë 23-vjetor të vrasjes së babait të saj.
‘Heroi i Demokracisë’ u vra në Tiranë pranë Selisë së asaj kohe të Partisë Demokratike. Ekzekutimi i tij konsiderohet si vrasja e shekullit duke tronditur opinionin publik dhe politikën shqiptare. Për këtë krim me burgim të përjetshëm është dënuar Jaho Salihi Mulosmani, Ismet Haxhia i cili tashmë ka lënë qelinë dhe Izet Haxhiaj ish-truproja presidentit Sali Berisha. Por pas 23 vitesh drejtësia shqiptare ende s’ka një vendim final se cila është lidhja e Izet Haxhisë me këtë krim.
