Përtoi të firmoste disa “letra”, Rita Ora për pak sa nuk ngeli me “gisht në gojë”, në rrezik miliona paund

Rita Ora së fundmi ka pasur disa probleme të mëdha me ligjin, pasi nuk është treguar korrekte dhe nuk iu është përgjigjur letrave të ‘Companies House’ që kontrollon nga ana ligjore çdo kompani në Mbretërinë e Bashkuar.

Këngëtarja shqiptare ka dy kompani që qarkullojnë paratë e saj me vlerë 6.5 milionë paund dhe që prej muajit prill asaj i është kërkuar që të rinovojë dokumentat e ‘Ora Multi Services Limited’ dhe ‘Ora Live’, mirëpo ajo e ka neglizhuar dhe shteti nuk e kursyer aspak atë.

Me rregullat që qarkullojnë në Mbretërinë e Bashkuar këto para do i merreshin Ritës dhe do shkonin në arkën e shtetit, por një lëvizje e shpejtë në momentin e fundit e artistes bëri që lekët mos i iknin nga dora dhe të ngelej me “gisht në gojë”.