Prapaskena mëson se emri i gazetarit është Ksenofon Ilia, i njohur ndryshe edhe si ‘Foni i Fiksit’.
Foni, në shkelje flagrante të çdo parimi etik gazetaresk, por edhe moral, i telefonon kryebashkiakut të Lushnjes, duke i kujtuar se po ikte me pushime dhe se duhej t’i mbushte makinën me naftë.
Tushe i përgjigjet dhe gjen menjëherë zgjidhje për këtë problem sa banal aq edhe të turpshëm. Kryebashkiaku ngarkon drejtorin e burimeve njerëzore për t’i zgjidhur hallin Fonit.
Rasti konfirmon se Tushe shpërdoronte detyrën në drejtime të ndryshme, por nga ana tjetër tregon pafytyrësinë e disa gazetarëve, të cilët para kamerave qajnë hallet e qytetarëve, në rastin konkret të fermerëve, ndërsa prapa kamerave u vjedhin naftën.
Rasti është tepër i rëndë, ndërsa duket e çuditshme se pse SPAK e ka lënë jashtë hetimeve gazetarin, duke e aneksuar nga hajdutët e tjerë.
Personi: Përshëndetje, si jeni, si keni qenë, mirë?
Fatos Tushe: Përshëndetje miku im, faleminderit, mirë,
Personi: Ju pengoj, jeni me pushime besoj,
Fatos Tushe: Jo, jo.
Personi: Unë nesër do iki me pushime…
Fatos Tushe: Është ok, po nesër në mëngjes ku do kalosh ti?
Personi: Epo nesër në mëngjes aty do të kaloj unë, do futem në Lushnje, aty nga ora 7:30 besoj.
Fatos Tushe: Epo mirë, të nxjerr këtë drejtorin e burimeve njerëzore unë.
