Prapaskena

Krenare për arritjet e saj, Dua Lipa së shpejti në trojet shqiptare

Publikuar: 15/06/2021

Prej vitit 2016-të Dua Lipa dhe babai i saj, Dukagjin Lipa organizojnë “Sunny Hill Festival” në Kosovë.

Ndër vite ky koncert ka mbledhur emrat më të njohur të muzikës, ku një prej tyre ka qenë edhe Miley Cyrus.

Për shkak të pandemisë koncerti vitin e kaluar nuk u organizua, mirëpo mesa duket për këtë vit lajme të mira kemi në horizont.

“Sunny Hill Festival” mund të organizohet sërish dhe ka qenë Dua dhe babai i saj ata të cilët dhanë këtë lajm.

Dukagjin Lipa ka thënë se këtë vit festivalit mund të zgjerohet dhe më tej, ai propozoi që të mbahet afër zonës se panaireve në Shkabaj.

Ndërsa, Dua përmes një postimi në rrjetet sociale u shpreh e lumtur që Prishtina do të jetë shtëpia e përhershme e festivalit dhe që do të ketë një vend tjetër për organizimin e tij, teksa shtoi se shumë shpejt ajo do të vijë në Kosovë.

“Festivali ynë Sunny Hill Festival tashmë ka një adresë të përhershme në Prishtinë, Kosovë. Jemi kaq krenarë me arritjen e këtij rrugëtimi deri tani dhe mezi presim që të rritemi më shumë në një vend të ri dhe më të madh! Ju faleminderit për të gjithë dashurinë dhe përkrahjen. Do të shihemi së shpejti”, shkruan Dua.



Më të lexuarat