Tre anëtarët e familjes Haliti nga Kosova, të ardhur prej më shumë se një muaji në Gjirin e Lalzit, kanë ndërruar jetë nga helimimi për shkak të kërpudhave. Ekspertiza mjeko-ligjore ka dalë në përfundimin se Elfete, Afrim e Ferzinaze Haliti kanë ndërruar jetë pasi janë helmuar.

Gazetarja Klodjana Haxhiaj raporton se nga këqyrja e tre trupit të viktimave nga ekspertët mjeko-ligjorë në Tiranë, ka dalë se shkak i vdekjes ka qenë helmimi. Këto përfundime i konfirmon dhe Policia e Durrësit e cilia menjëherë pas ngjarjes nisi hetimet për shërbimin që iu ofrua viktimave.

Ata kishin shkuar për të marrë mjekim në qendrën shëndetësore të Manzës dhe pas përmirësimit ishin larguar në shtëpi. Por, pas disa orësh gjendja e tyre ishte pëërkeqësuar sërish dhe ata janë dërguar me urgjencë në Durrës, e më pas në Tiranë.

Pavarësisht përpjekjeve, ata nuk kanë mundur të jetojnë.

Gjithashtu, grupi i hetimit i ngritur për këtë rast po kryen dhe analizimin e ushqimeve të gatuara që janë gjetur në shtëpinë e tre anëtarëve të familjes Haliti në Gjirin e Lalëzit, ushqime me kërpudha të cilat ata i kishin mbledhur dhe gatuar vetë.