PD mban “peng” Lezhën, del forcë e tretë në Kallmet dhe s’pranon rezultatin

Partia Demokratike mbanë “peng” Lezhën për të dhënë rezultatin përfundimtar në këtë qark.

Bëhet me dije se në Lezhë janë numëruar të gjitha kutitë 249, por tek kutia e fundit e njësisë Kallmet PD pretendon se ka parregullsi.

Burime për media bëjnë me dije se PD në këtë njësi ka dalë forcë e tretë dhe kjo është arsyeja pse nuk e pranon rezultatin.

PS ka marrë në këtë njësi 160 vota, LSI ka dalë forcë e dytë me 97 vota dhe PD me 84 vota.

E vetmja kuti në rang vendi nga 5199 kuti është vetëm kjo e Lezhës e numëruar, por që nuk është deklaruar, pasi PD pretendon për parregullsi.