Ish-kryeministri Sali Berisha ka zbuluar sonte emrat e dy të fortëve të Elbasanit që sipas tij mbetën të plagosur dje në ngjarjen e rëndë që ndodhi.

Sipas burimeve të Berishës, ata janë Klemend Xhaferri dhe Suel Çela, ky i fundit njihet për precedentë penalë.

Berisha tha se të dy po kurohen në kujdesin e Ramës dhe Ballës në një spital privat në Tiranë.

“Çfarë shikoj unë në komunikatën e djeshme të policisë? Pati një konflikt në rrugën x ndërkohë që aty ishin 15 policë dhe dy nëndrejtorë të policisë. Dhe aty besova që ata do të bëjnë gjithçka për fshehur ngjarjen. Si ka mundësi që kjo banda e Suel Çelës nuk preket, nuk u hyn asnjë ferrë në këmbë. Ata kanë të vetën drejtorinë e policisë dhe bëjnë siç duan ata. Ata kanë të vetin shërbimin e ekspertizës në Elbasan. Në këtë aspekt ata e rregullojnë çdo gjë me letra. Ata e kryen krimin, përdorën armën, mblodhën të gjithë gëzhojat që deshën, fshinë kamerat. Sepse kamerat e Elbasanit i ka bërë Don Lala dhe i kontrollon kjo bandë. Po policia dy të plagosur Suel Çelën dhe Klement Xhaferrin i fshehu dhe po i kuron në një spital privat në Tiranë nën kujdesin e Edi Ramës dhe Taulant Ballës”, tha Berisha në Syri tv.