Makina poshtë kamionit, kush është historiani që vdiq në Lezhë, Ademi: Pushofsh në paqe

Kryebashkiakja e Shkodrës Voltana Ademi ka publikuar në facebookun e saj lajmin e trishtë për ndarjen nga jeta të studiuesit të njohur shkodran Eduart Grishaj.

Teksa rendit cilësitë e shumta të studiuesit, Ademi i shpreh ngushëllimet të afërmve dhe familjarëve të të ndjerit, i cili u nda në mënyrë të parakohshme nga jeta mbrëmjen e sotme.

Postimi i plotë: Një lajm shumë i trishtë sonte! Një koleg dhe mik sot u nda nga jeta në një aksident të rëndë.

Eduart Grishaj, një intelektual, me kontribut për kujtesën, kulturën dhe artin në Shkodër, do ti mungojë familjes, miqve e Shkodrës

Largimi i papritur dhe shumë i parakohshëm nga jeta, na ka hidhëruar të gjithëve.

Ngushëllime familjes, të afërmëve. Pushofsh në paqe Edi !

Kujtojmë se aksidenti tragjik ndodhi rreth orës 20:00 të mbrëmjes së sotme, në vendin e quajtur “Kryqëzimi i Dajçit”, në aksin rrugor Lezhë-Shkodër, ku si pasojë e përplasjes së një kamioni me një automjet tip Benz mbeti i vdekur në vend drejtuesi i autoveturës, studiuesi i njohur Eduart Grishaj.

Nuk dihen ende shkaqet e aksidentit, ndërkohë që drejtuesi i kamionit shtetasi T.M.,është shoqëruar në Komisariatin e Policisë Lezhë për veprime të mëtejshme hetimore.