Shiu dhe bora pushtojnë sot Shqipërinë, ja si do të jetë moti

Moti i paqëndrueshëm sot në Shqipëri. Parashikohen reshje shiu në pjesën më të madhe të vendint, por reshje edhe dëbore në zonat malore.

Parashikohet që këto kushte atmosferike të mbeten gjatë gjithë ditës të ndërprera nga intervale të shkurtra me kthjellime.

Temperaturat e ajrit ulen në mëngjes por mbeten kostante në mesditë duke luhatur vlerat ditore nga -3°C  deri në 12°C.

Era do fryjë mestare  me shpejtësi  35-40 km/h nga drejtimi Jugor duke krijuar në det dallgëzim  4 ballë.

Rajoni dhe Europa: Lindja e kontinetit paraqitet me kthjellime të pakta dhe vranësira të shpeshta por pa reshje. Ndërsa Europa Veriore dhe Qëndrore mbeten me reshje të dendura dëbore. Po ashtu Rajoni i Ballkanit mbete me reshje shiu e dëbore.