Goditen 2 Call Centera mashtrues pranë Liqenit të Thatë, operacioni i drejtuar nga Prokuroria e Tiranës dhe autoritetet austriake

Nën drejtimin e Prokurorisë së Tiranës është zhvilluar një aksion kundër call centareave që përdoren për të mashtruar qytetarët europianë, duke u marrë shuma të mëdha parash.

Gjatë aksionit, i cili është zhvilluar edhe në koordinim me autoritetet austriake, janë ‘goditur’ dy call centera pranë Liqenit të Thatë në kryeqytet.

Gjatë këtij aksioni, në ambientet e 2 call centerave janë gjetur kompjutera që përdoreshin për aktivitetin e mashtrimit, si dhe operatorë që punonin aty.

Call Centerat në fjalë ishin goditur në një operacion të mëparshëm, por mesa duket ishin bërë sërish aktivë.