Rama ndryshon qeverinë, ikën Balluku, Albana Koçiu në vend të saj, Toni Gogu ministër Drejtësie, Ferit Hoxha ministër i Jashtëm, Enea Karakaçi ministër i Infrastrukturës, shkarkohet edhe Pirro Vengu

Në mbledhjen e sotme të grupit parlamentar të Partisë Socialiste, kryeministri Edi Rama ka vendosur të bëjë ndryshime në kabinetin qeveritar.

Në postin e zv.kryeminsitres është emëruar Albana Koçiu, e cila zëvendëson në këtë pozicion Belinda Ballukun.

Ferit Hoxha, ish- ambasadori i Shqipërisë në OKB, është emëruar ministër i Punëve të Jashtme.

Besfort Lamallari largohet si ministër Drejtësisë dhe merr postin e minsitrit të Brendshëm, ndërsa Toni Gogu emërohet në krye të Ministrisë së Drejtësisë.

Erjona Ismaili është emëruar ministre për Marrëdhëniet me Parlamentin.

Ndërkohë që si ministër i Infrastrukturës dhe Energjitikës, post i mbajtur deri më tani nga Belinda Balluku, emërohet Enea Karakaçi.

Edhe Ministria e Mbrojtjes ka pësuar ndryshim. Pirro Vengu është larguar nga detyra e ministrit. Në vend të tij është emëruar Ermal Nufi.

Ndryshimet në Qeveri:

Albana Koçiu zv.kryeministre-zëvendëson Belinda Ballukun

Besfort Lamallari Minister i Brendshëm- zëvendëson Albana Koçiun

Toni Gogu ministër Drejtësie- zëvendëson Besfort Lamallarin

Ferit Hoxha minister i Jashtem- ikën Elisa Spiropali

Enea Karakaçi ministër Infrastrukture dhe Energjitike-zevendëson Belinda Ballukun

Ermal Nufi ministër i Mbrojtjes- ikën Pirro Vengu

Eriona Ismaili ministër për Marrëdheniet me Parlamentin-zëvendeson Toni Gogun