Besmir Beja emërohet drejtori i ri i Doganave, Gazheli bëhet zv.ministër Mjedisi! Gentian Kerri sekretar i Përgjithshëm i Ministrisë së Financave

Besmir Beja është emëruar drejtor i ri i Doganave.

Beja ka qenë më herët sekretar i Përgjithshëm i Ministrisë së Financave, ku është emëruar që nga muaji gusht i vitit 2024.

Ndërsa Gent Gazheli do të jetë zëvendës-ministër i Mjedisit. Gazheli u ka mbajtur më parë postin e drejtorit të Doganave, ku ishte emëruar që nga 1 tetori i vitit 2020.

Ndërkohë bëhet e ditur gjithashtu se Gentian Kerri është emëruar Sekretar i Përgjithshëm i Ministrisë së Financave. Këto ndryshime janë miratuar në mbledhjen e Këshillit të Ministrave.

Njoftim për Mediat:

Agjencia për Media dhe Informim njofton se në mbledhjen e Këshillit të Ministrave, të zhvilluar ditën e sotme, janë miratuar disa ndryshime në drejtimin e institucioneve dhe strukturave shtetërore.

– Z. Gent Gazheli lirohet nga detyra e Drejtorit të Përgjithshëm të Doganave dhe emërohet Zëvendësministër i Mjedisit.

– Z. Besmir Beja emërohet Drejtor i Përgjithshëm i Doganave.

*Më herët, z. Beja ka mbajtur detyrën e Sekretarit të Përgjithshëm të Ministrisë së Financave.

– Ndërkohë, z. Gentian Kerri emërohet Sekretar i Përgjithshëm i Ministrisë së Financave