Kërcënoi me vrasje gjyqtarët, jepet masa e sigurisë për Gjovalin Shkambin

Gjykata e Shkallës së Parë në Shkodër ka vendosur masën e sigurisë “arrest me burg” pa afat për Gjovalin Shkambin, pas deklaratave të rënda të bëra prej tij lidhur me hetimin e nipit të tij, Elvis Shkambi, autor i dyshuar i vrasjes së gjyqtarit të Apelit, Astrit Kalaja.

Gjovalin Shkambi ka deklaruar se do të vriten edhe gjyqtarë të tjerë, në rast se nipi i tij do të dënohet për ngjarjen e rëndë që tronditi sistemin e drejtësisë. Kërcënimet janë bërë gjatë një komunikimi të dokumentuar, çka ka çuar në arrestimin e tij dhe përballjen me drejtësinë.