Përplasja / Kontrabandisti Nadir Çausholli akuzon trafikantin Ilir Shehu se fshihet pas sulmeve ndaj tij. Pse SPAK duhet t’i marrë në dorë të dy?

Bosët e kartelit të ialçeve kanë nisur të denoncojnë njëri-tjetrin. Kreu i CFO Pharma, Nadir Çausholli, i skeduar për skema mashtrimi, ilaçe kontrabandë dhe vjedhje, ka akuzuar Ilir Shehun (Pasholli) se fshijet pas sulmeve mediatike ndaj tij. Çausholli thotë se Shehu, pronar i Medicamenta dhe Mega Store ka ndryshuar mbiemrin për t’i shpëtuar drejtësisë italiane pasi është dënuar atje për trafik droge.

Kreu i CFO Pharma shton më tej se Shehu është konkurrenti i tij dhe është marrë me kontrabandë barnash. Çausholli akuzon portalet se e sulmojnë sepse nuk i paguan dhe sepse e kanë inat. Të gjitha akuzat e Çaushollit ndaj Ilir Shehut mund të jenë të vërteta. Por, nëse ka një ikonë me ecidenca të mafies së ilaçeve është Nadir Çausholli.

Gjithashtu mund të ketë vërtetë media që mbyllin gojën nga ndonjë baksh që u jep Çausholli nga paratë e kontrabandës dhe skemave të mashtrimit, që presin ndonjë pagesë, por faktet implikojnë Çaushollin në grup të struktuar kriminal me FSDKSH, pastrim parash me Po-jën, ilaçe të skaduara, manipulim të tregut të ilaçeve, mashtim për rimbursimin e TVSH-së për medikamentet në vlerën 2 milionë euro, vepër për të cilën edhe është dënuar.

Reagimi i plotë i Çaushollit

“Mirëmbrëma për te gjithë miqtë e mi në FB. Pashë sot që një media online e dorës së tretë kishte nxjerrë një postim për kompaninë time sikur kompania Chiesi qenka mërzitur dhe paska zbuluar diçka. Ju bëj me dije qe kompania Italiane Chiesi s’ka asnjë lidhje. Mbrapa kësaj loje është vetëm Ilir Shehu pronar i Kompanisë Medicamenta dhe Mega Store. Ky është një konkurrent i joni. Sipas informacioneve që më nisin shumë farmaci mua dhe shume mediave, pasi panë këtë sulm fallso me thonë se:

1-Ilir Shehu (Pasholli) për të cilin thonë që ka ndryshuar mbiemrin duke marrë atë të nënës sepse mbiemrin real të vetin e ka Pasholli pra quhej Ilir Pasholli. Po prapë sipas farmacive ky është dënuar në Itali për trafik ndërkombëtar droge dhe erdhi ne Shqipëri dhe për të humbur gjurmë ndryshoi mbiemrin në atë të nënës së vet. Sipas kësaj logjike pse nuk e kap ligji antimafia sepse është i dënuar për trafik ndërkombëtar droge dhe ka ndërtuar dy godina me lekët e drogës. A duhet ti bëhet hetim pasuror? A duhet ti bëhet sekuestro sipas ligjit antimafia? Ku i gjeti lekët për të ndërtuar dy godina kur ky ka qenë motoristi i Vini Pharmes?? Me këtë logjikë ka dhe dënimin me burg për të kryer sepse ju zhduk drejtësisë italiane duke ndryshuar mbiemrin. Ambasada e Italisë mund ta gjej me mbiemrin e ri

2-Ai është personazhi kryesor i trafikut të barnave kontrabandë dhe po prapë sipas farmacive ka 100 denoncime për të, por institucionet nuk veprojnë? E gjitha kjo skeme kontrollohet duke i bërë kryqëzimet e deklaratave doganore ne Itali dhe Shqipëri. Besoj se do gjenden shumë problematika të shumë llojeve. Me çfarë me thanë farmacitë një ish-punonjës e ka denoncuar për këtë pjese dhe të shohim.

3-Sipas një televizioni kombëtar ai është gjendur duke prodhuar Takipirinen suppost në Shqipëri të falsifikuar. Televizioni ka gati emisionin për të dhe s’besoj se mund ta paguajë për të mos ta nxjerrë.

Nuk do doja t’i besoja këto informacione qe me japin farmacitë por institucionet mund t’i verifikojnë dhe te na thonë për saktësinë e tyre. Pra, ky është sponsorizuesi i disa mediave online për sulmin sot ndaj meje.

Arsyeja reale pse me sulmon është sepse kompania e tij Italiane don t’ia heqë atij dhe don te na e japi neve. Ne s’kemi asnjë lloj lidhje me ato çfarë shkruhen te disa portale te cilave:

1-Disave nuk i bëjmë me pagesë dhe mezi presin mashtrime me sha.

2-Disa media të tjera thonë që unë dua të bej famë duke përdorur emrin tënd. Të lumtë dora

3-Disa kuptohet më kanë inat

4-Kam dhe ndonjë mik që postimet për mua kanë interes dhe shikueshmëri dhe kjo gjë i pëlqen dhe prandaj i poston.

Këto lajme s’kanë asnjë lloj burimi dhe këto media mezi presin për t’i postuar dhe për t’i bërë skupe. Ju e keni parë vetë që unë kam shumë kohë që sulmohem nga disa media online me lloj-lloj lajmesh, ku përdoret çdo lloj skenari për të shëmtuar figurën time.

Të gjitha këto postime që janë bërë dhe sponsorizuar sot do i ndjek ligjërisht. Foton e Ilir Shehut (mbiemri i vërtetë siç thonë farmacitë Pasholli) e mora nga interneti nga faqja e Prapaskenës por s’kam asnjë lloj lidhje me këtë media.