Ndryshime në Policinë e Tiranës, Proda lëviz shefat e Komisariateve. Lëvizje dhe në Shkodër e Kukës 

Me urdhër të drejtorit të Përgjithshëm Ilir Porda, kanë ndodhur disa ndryshime në Policinë e Tiranës, por dhe në Shkodër e Kukës.

Burime për gazetaren e Top Channel Dorjana Bezat bëjnë me dije se Idriz Daulle, nga zëvendës drejtor i rendit në DVP Tiranë emërohet shef i Komisariatit të Policisë nr. 5, Tiranë.

Ndërkohë Besmir Qebini nga shef Komisariati i Policisë nr 5 emërohet shef i Komisariatit të Policisë Kukës.

Bekim Lika, nga shef i Komisariatit të Policisë Kukës, emërohet shef i Komisariatit të Policisë Shkodër.

Ermal Kenaçi emërohet shef i Komisariatit të Policisë nr. 2, Tiranë.

Feliks Hoda emërohet shef i Komisariatit të Policisë nr. 4, Tiranë.

Ervis Gjoshi, nga shef i Komisariatit të Policisë nr. 4, emërohet zëvendësdrejtor për Rendin në Drejtorinë Vendore të Policisë Tiranë.

Robert Losha emërohet shef i Komisariatit të Policisë nr. 7, Tiranë.

Elton Shahini emërohet shef i Komisariatit të Policisë nr. 1, Tiranë.