Berisha e nxiu Shqipërinë në Bruksel, Tabaku i bën avokaten: Nuk është antishqiptar, por tregoi kush krijon barriera

Deputetja demokrate Jorida Tabaku nga foltorja e Kuvendit, i doli në ‘mbrojtje’ Sali Berishës lidhur me deklaratat e këtij të fundit në Bruksel, teksa tha se nuk është antishqiptar ai që ngre shqetësimet për vendin, por ai që i kthen në një “barrierë” që pengon avancimin drejt BE-së.

“Sot nisi në një debat për procesin e integrimit, për atë që PE diskutoi dje dhe për zgjedhjet. Në Komisionin e jashtëm të PE, Marta Kos raportoi dhe tha s’ka rëndësi sesa grupkapituj dhe kapituj hapen dhe sa mbyllen. Kjo është retorika e procesit të integrimit.

Rëndësi ka sesa standarte plotësoni, se integrimi është proces standartesh, i cili bazohet mbi standartet e përmirësuara, që vijnë nga zgjedhjet, nga demokracia, ekonomia, sfera sociale dhe sektor tjetër. A është sot Shqipëria më mirë sesa ishte vetëm se u hapën disa grupkapituj? A tregoi Shqipëria se di të organizojë zgjedhje si vend evropian?

Më vjen keq të them por zgjedhjet ishin mundësi e humbur për Shqipërinë, për faktin që nga 2013 e deri më sot, reforma e plotë dhe gjithëpërfshirëse zgjedhore, hetimi i krimeve zgjedhore, kalojnë nga njëri progres raport në tjetrin, dhe ndodhemi në vitin 2025, me më shumë kërkesa e kritere se në 2013.

A ka pasur ndonjëherë vullnet politik qeveria që ato reforma që duheshin ndërmarrë qoftë edhe për zgjedhje të zbatoheshin? Nuk është antishqiptar ai që thotë se ka probleme, ai që ngre shqetësime, por ai që këto shqetësime dhe mungesë vullneti politik e kthen në një barrierë të madhe që shqipëria të avancojë në integrim. Nëse ka barrierë më të madhe janë standartet e munguara të këtyre zgjedhjeve. Kush e ka penguar qeverinë ë 10 viote të krijojë minimumin e normave demokratike”, tha Tabaku.