Nga Adriatik Doçi

Krahas alibisë kryesore sipas të cilës zgjedhjet i vodhi Edi Rama, sa vijnë e shtohen zërat në kampin opozitar, të cilët fajësojnë popullin si të shitur, si mosmirënjohës dhe sufllaqexhi, që zgjodhi ‘bandat’ dhe jo profesorët e PD-së, që nuk vlerësoi ofertën e opozitës, që i ra të mirës me shkelm etj. Sipas disa përfaqësuesve të opozitës, mes projektit për t’a bërë Shqipërinë Madhështore dhe narkoshtetit, shqiptarët zgjodhën narkoshtetin, shpopullimin, varfërinë dhe krimin.

Nëse opozita do t’i kishte fituar zgjedhjet, projekti për Shqipërinë Madhështore natyrshëm do të zbatohej nga një qeveri madhështore. Po si do të ishte kompozimi i kësaj qeverie madhështore, të cilën shqiptarët e ‘humbën’ pasi votuan vijimësinë në pushtet të ‘narkoregjimit’? Nëse do të kishte fituar zgjedhjet, ndryshe nga Edi Rama, Sali Berisha është më klasik dhe nuk bën zgjedhje të paparashikuara. Një version i mundshëm do të ishte si më poshtë;

–Sali Berisha, kryeministër

-Flamur Noka, zv/kryeministër

–Gjin Gjoni ose Genc Gjokutaj, ministër Drejtësie

–Albana Vokshi ose Ilir Alimehmeti, ministre Shëndetësie

–Klevis Balliu, ministër i Infrastrukturës dhe Energjisë

–Belind Këlliçi, ministër i Shtetit për Administratën Publike dhe Antikorrupsionin

–Luçiano Boçi ose Ina Zhupa ministër i Arsimit

–Agron Gjekmarkaj ose Tomor Alizoti ministër Kulture

–Gazment Bardhi, ministër i Brendshëm

–Dorian Teliti ose Gaz Spahia ministër Financash

–Ilda Zhulali ose Fatmir Mediu, ministër i Jashtëm

–Xhemal Xhunkshi ose Gent Strazimiri ministër i Mbrojtjes

–Jamarbër Malltezi, ministër i Turizmit dhe Mjedisit

–Tritan Shehu ose Edmond Panariti, ministër Bujqësie

–Edi Paloka ose Oerd Bylykbashi, ministër i Shtetit për Pushtetin Vendor

–Shpëtim Idrizi, ministër Shteti për Sipërmarrjen dhe Klimën e Biznesit

–Andi Mustafaj, ministër i Shtetit për Rininë dhe Fëmijët

–Jozefina Topalli, ministre për Diasporën ose kryetare e Kuvendit