Trump paralajmëron Evropën për tarifa të reja: Kemi një deficit prej 300 miliardë dollarësh

Presidenti i SHBA-së, Donald Trump, ka paralajmëruar tarifat amerikane “shumë shpejt” për produktet që vijnë nga Evropa, vetëm disa orë pasi tarifat e vendosura ndaj Kanadasë, Meksikës dhe Kinës hynë në fuqi. 

“Po na përfitojnë, e dini, ne kemi një deficit prej 300 miliardë dollarësh. “Ata nuk blejnë makinat tona, as produktet tona bujqësore, pothuajse asgjë, dhe ne marrim gjithçka, miliona automjete, nivele të mëdha të produkteve bujqësore,” tha ai në një deklaratë për gazetarët.

“Nuk kam orar, por shumë shpejt” do të vendosen tarifa më të larta doganore për produktet e Bashkimit Evropian, theksoi ai.

Në të njëjtën kohë, presidenti i Shtëpisë së Bardhë do të ketë diskutime të reja me kryeministrin kanadez, si dhe me qeverinë meksikane mëngjesin e së hënës nën “hijen” e tarifave që janë vendosur ndaj Kanadasë.

“Do të flas me kryeministrin Trudeau në mëngjes,edhe me Meksikën, nuk pres asgjë shumë dramatike. Ne kemi vendosur tarifa sepse ata na kanë borxh shumë para, jam i sigurt se do të paguajnë”, tha Trump.

Duke kritikuar Kanadanë, ai argumentoi se “ata janë të ashpër për naftën dhe energjinë.

“Nuk lejojnë që prodhimet tona bujqësore të shiten.Në përgjithësi ka shumë gjëra që nuk i lejojnë. Dhe ne i lejojmë ata të importojnë gjithçka në vendin tonë, kjo është unike. Ne subvencionojmë Kanadanë me mbi 200 miliardë dollarë në vit dhe ky është kthimi?”, tha Trump.

Ai paralajmëroi qeverinë kanadeze se nëse zbaton premtimin e saj për t’u hakmarrë, ajo do të shtojë tarifa shtesë për produktet kanadeze.