Liridona Ademaj u vra me armën e tij, Tomë Dodaj dënohet me 5 vite burg

Tomë Dodaj është dënuar me 5 vite burg dhe 5 mijë euro gjobë, pasi ka pranuar fajësinë për shitjen e armës së përdorur në vrasjen e Liridona Ademajt.

Avokati Agron Kuqi tha se dënimi do të apelohet në Gjykatën Supreme.

Të akuzuar për vrasjen e 30-vjeçares janë bashkëshorti i saj Naim Murseli, Granit Plava dhe Kushtrim Kokalla. Naim Murseli ka deklaruar para trupit gjykues se ndihet plotësisht i pafajshëm.

I akuzuari Granit Plava ka zgjedhur të mbrohet në heshtje, kurse Kushtrim Kokalla ka thënë se nuk deklarohet rreth fajësisë pa u konsultuar më avokatin e tij.

Liridona Ademaj u vra në 29 nëntor 2023. Ngjarja, e raportuar fillimisht si grabitje ngjalli shumë dyshime dhe reagime të mëdha nga ana e publikut.