Rrëzohet avioni në Kolumbi, humbin jetën 10 persona; mes tyre tre fëmijë

Dhjetë persona kanë humbur jetën pas rrëzimit të një avioni të vogël në veriperëndim të Kolumbisë. Mediat bëjnë me dije se mes viktimave ishin 5 anëtarë të një familjeje.

Guvernatori i provincës Antioquia, Andrés Julián Redon, njoftoi se asnjë i mbijetuar nuk u gjet nën rrënoja. Avioni u ngrit të mërkurën nga Jurado, një qytet në provincën e varfër të Choco, pranë kufirit me Panamanë, me destinacion Medellín.

Kontrollorët e trafikut ajror humbën kontaktet po atë ditë. Ndërkohë, shkaku i rrëzimit të avionit po hetohet. Mes viktimave ishte edhe 3 të mitur si dhe 2 anëtarë të ekuipazhit.

Në shumë zona të izoluara të Kolumbisë, transporti bëhet me avionë të vegjël privatë dhe aksidentet janë të shpeshta.