Plagoset me kapsollë në sy i mituri në Elbasan, dërgohet me urgjencë drejt Traumës

Viti i Ri nuk ka kaluar pa incidente në Elbasan. Mësohet se një fëmijë është plagosur rëndë në sy nga një kapsollë.

I mituri u dërgua me urgjencë në Spitalin e Elbasanit ku pas ekzaminimeve të para rezulton se ka dëmtuar rëndë kanalin e lotit.

Më pas është dërguar për mjekim të specializuar drejt Traumës në Tiranë.

Jo më larg se një ditë më parë, Shefi i Urgjencës në Elbasan u bëri thirrje prindërve të tregohen vigjilent me fëmijët në momentin e plasjes së mjeteve piroteknike.