PS kërkoi faljen e gjobave, Flamur Noka: Nuk e lejojmë, kjo që bëni ju është genocid

Një grup deputetësh socialist, propozuan këtë të enjte një ligj për faljen e gjobave për ndërtimet pa leje në zonat rurale.

Por deputetët e PD-së u revoltuan.

Kjo, pasi sipas tyre, PS po e përdor këtë për qëllime elektorale.

Flamur Noka u ngrit në Kuvend dhe tha se PD nuk do e lejojë faljen e gjobave.

Madje ai tha se ky propozim për faljen e gjobave, është genocide.

“Jemi ne ata që kemi mbrojtur interesin e qytetarëve.

Ju i keni përdorur. Nuk do e lejojmë këtë ligj.

Ky është genocid”, tha Noka nga Kuvendi.

“Më thuaj zonjë, a mos vallë ujku është veshur me lëkurën e qengjit?

A ishit ju që ju thoshit shqiptarëve se koha e pandëshkueshmerisë ka marrë fund? Që burgosët 38 mijë shqiptare pse riparuan një dritare apo një kotec pulash?

Tani që po vijnë zgjedhjet, u thoni shqiptarëve që këta përbindësha, këta ujqër të tërbuar kanë veshur lëkurën e deles, sepse ju duhen vota”, vijoi Noka.

Nuk kuptohet se çfarë ka pasur në mëndje Noka, që e quan genocide një ligj për faljen e gjobave.

Që PS e bën këtë për efekt të zgjedhjeve, është e kuptueshme.

Por të thuash genocid, vetëm Noka mund ta shpjegojë.