Në kërkim ndërkombëtar për trafik narkotikësh, arrestohet 27-vjeçari në Fier, pritet ekstradimi drejt Kosovës

Një 27-vjeçar, shtetas i Kosovës, është vënë në pranga nga policia e Fierit.

Blutë njoftojnë se i riu ishte shpallur në kërkim ndërkombëtar për veprën penale “Prodhimi dhe shitja e narkotikëve”.

Po punohet për ekstradimin e  tij drejt Kosovës.

Njoftimi:

DVP Fier/Finalizohet nga Sektori për Hetimin e Narkotikëve, në bashkëpunim me Komisariatin e Policisë Mallakastër, operacioni i koduar “Fratar”. 

Në kuadër të operacionit u vu në pranga me qëllim ekstradimin në Kosovë, shtetasi E. M., 27 vjeç, banues në fshatin Gadurovë, Mallakastër. Ky shtetas u kap në fshatin Fratar, pas një pune operative nga shërbimet e Policisë, bazuar në informacionet e siguruara nga inteligjenca policore. 27-vjeçari ishte shpallur në kërkim ndërkombëtar pasi Gjykata Themelore e Pejës, më datë 30.10.2024, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”. Interpol Tirana po bashkëpunon me autoritetet kosovare, për ekstradimin e 27-vjeçarit.